Main Haan Zameen Karbala
Noha Lyrics & Urdu Writeup on Karbala recited by Multan Party
ٹر ونج مسافر بے وطن ایں خاک تے خیمے نہ لا میں ہاں زمین کربلا
گھن آئیں توں وسدا قافلہ میں صرف ہاں اجڑن دی جا میں ہاں زمین کربلا
میثاق دے وعدے اے ہن ایتھے آونا اے زہرا دے چن
میں اوندے سجدے نال بس بنڑ سگدی ہاں خاک شفا میں ہاں زمین کربلا
میں وس تاں سگدی ہاں مگر جے کھڑ ونجے نبوی جگر
بوؤں خرچ تھیندا ہے اتھاں کہیں بے نگر کوں ونج وسا میں ہاں زمین کربلا
یوسف توں سوہنڑا پتر ہئی ایندی اجاں مس لہندی پئی
سوہنڑی جوانی پتر دی اتھ برچھیاں وچ نہ لٹا میں ہاں زمین کربلا
جو دھی مسافر چائی کھڑا ایں بچڑی کوں سینے لائی کھڑا ایں
ایندی یتیمی دا کوئی توں ویڑہ نہ میکوں سنڑا میں ہاں زمین کربلا
خیمے وی جل ویندے اتھاں برقعے وی ڈھل ویندے اتھاں
غیور دسدا پئیں میکوں بھینی دے محمل نہ بلہا میں ہاں زمین کربلا
بوؤں آ علمبردار ہن ٹر گئے علمبردار ہن
جیندے ہتھاں وچ ہے علم ایں ویر دیاں بانہیں بچا میں ہاں زمین کربلا
گوہر الایا بے وطن میں آپ ہاں زہرا دا چن
تیکوں وسانونڑ دے کیتے میں خرچ کرنا اے قافلہ میں ہاں زمین کربلا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.