Zainab meri behna

زینب میری بہنا یہ شِہ نے کہا زینب میری بہنا دُکھیا میری بہنا لوٹ کر شام کے زندان سے جب آنا زینب تم میری قبر پہ اک شمع جلانا زینب یاد رکھنا یہ بات اے میری جان میری بہن زینب میری بہنا دُکھیا میری بہنا تم فاتحہ شربت پہ دلانا میری بہنا زینب میری بہنا۔۔۔

غم میرے عزادار منائیں گے جہاں میں اے میری بہنا پرچم کہیں تابوت کہیں ہوں گی سبیلیں اے میری بہنا مجلس میں سبیلوں پہ بھی جانا میری بہنا زینب میری بہنا۔۔۔ تم فاتحہ شربت پہ۔۔۔

ماتم جو عزادار کریں فرشِ عزا پر اے میری بہنا وہ اشک بہائیں جو مصائب میرے سُن کر اے میری بہنا دامن میں اُن اشکوں کو چھُپانا میری بہنا زینب میری بہنا۔۔۔ تم فاتحہ شربت پہ۔۔۔

عباس کے پرچم کو سجائیں جو عزادار اے میری بہنا بچوں کو میرا سقہ بنائیں جو عزادار اے میری بہنا عباس کو دریا سے بُلانا میری بہنا زینب میری بہنا۔۔۔ تم فاتحہ شربت پہ۔۔۔

جھُولا میرے بے شیر کا پھولوں سے سجا کر اے میری بہنا منت کوئی مانگے مجھے اولاد عطا کر اے میری بہنا اُس بی بی کی آ غوش سجانامیری بہنا زینب میری بہنا۔۔۔ تم فاتحہ شربت پہ۔۔۔

جب بیبیاں تابوت سکینہ کا اُٹھائیں اے میری بہنا اور نوحہ سکینہ کی اسیری کا سُنائیں اے میری بہنا تابوت پہ تم بالی چڑھانا میری بہنا زینب میری بہنا۔۔۔ تم فاتحہ شربت پہ۔۔۔

جس گھر سے اُٹھے قاسمِ نوشاہ کی مہندی اے میری بہنا آراستہ اشکوں سے کرے مجلسِ شادی اے میری بہنا اُس گھر کو مصائب سے بچانا میری بہنا زینب میری بہنا۔۔۔ تم فاتحہ شربت پہ۔۔۔

گر کوئی بہن اپنے برادر سے بچھڑ کر اے میری بہنا نوحہ یہ کرے لوٹ کے آ جا علی اکبر اے میری بہنا اس بہن کو بھائی سے ملانا میری بہنا زینب میری بہنا۔۔۔ تم فاتحہ شربت پہ۔۔۔

کچھ اور بھی تم کورُلائیں گے ستمگر اے میری بہنا خیموں کو میرے بعد جلائیں گے ستمگر اے میری بہنا سجاد کو شعلوں سے بچانامیری بہنا زینب میری بہنا۔۔۔ تم فاتحہ شربت پہ۔۔۔

جب لوٹ کا ساماں ملے قیدِ ستم میں اے میری بہنا مجلس کا وہاں فرش بچھانا میرے غم میں اے میری بہنا زنداں کو عزا خانہ بنانا میری بہنا زینب میری بہنا۔۔۔ تم فاتحہ شربت پہ۔۔۔

تم جب بھی سُنو مظہر و عرفان کا نوحہ اے میری بہنا جی بھر کے دُعا میرے عزاداروں کو دینا اے میری بہنا ان دونوں کو روضے پہ بُلانا میری بہنا زینب میری بہنا۔۔۔ تم فاتحہ شربت پہ۔۔۔

مل جائے گی جب مجھکو مصائب سے رہائی ہائے حسین میں فاتحہ شربت پہ دلاؤں گی اے بھائی ہائے حسین ہاں یاد ہے بھیّا وہ مجھے آپ کا کہنا زینب میری بہنا۔۔۔ تم فاتحہ شربت پہ۔۔۔