Farwa Tere Qasim Nu
Noha Lyrics & Urdu Writeup on Hazrat Qasim (a.s) recited by Asghar Khan
فروا تیرے قاسم نوں اج مہندی لاون آئیاں
ہائے پھپھیاں، پھپھیاں روندیاں روندیاں ایدے شگن مناون آئیاں
اتھرو ڈول کے زینب نے گچھ ہاواں اپنیاں پائیاں
سین رباب دے ہوکیاں نیں مہندی تے موراں لائیاں
فیئر رل کے، رل کے ساریاں بیبیاں ہتھاں تے سجاون آئیاں
کھارے چڑھیا قاسم تے منگی موت نے آن ودھائی
سر نذرانہ دے دے کے سب جانجیاں ویل کرائی
اج حوراں، حوراں ایدی پھوری نوں کربل چہ وچھاون آئیاں
ہنجواں دے پھل چم چم کے فروا گٹھڑی تے پاوے
نوری مکھڑا بنڑے دا امبڑی نوں نظر نہ آوے
جدوں بھیناں، بھیناں جوڑ کے ٹکڑیاں نوں ایدی شکل بناون آئیاں
اصغر او سربالا اے جدھے تیراں نے ساہ توڑے
موت نوں تک کے ہسدا سی نئی ہتھ معصوم نے جوڑے
انج بچڑے، بچڑے وار کے ماواں نیں اسلام بچاون آئیاں
شادی دیاں رسماں نئی اجے قاسم پوریاں ہوئیاں
ویکھ کے زیور شگناں دے پھپھیاں نے پٹ پٹ روئیاں
رب جانے، جانے اجڑی دلہن نوں کیویں رسیاں پاون آئیاں
ڈولی دے وچ ثمر نہ بیٹھی ہوگئی بیوہ جیہڑی
اوس مظلومہ بیوہ نے سنڑ لئی اے عرضی تیری
تیرے نوحے، نوحے دیاں سطراں نے اے مومن نوں رواون آئیاں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.