Rabba Muk Jaan Wichoray Bhen Bharawan De
Noha Lyrics & Urdu Writeup on Bibi Sughra (s.a) recited by Asghar Khan
ربا مک جانڑ وچھوڑے بھین بھراواں دے
وطناں ول پھیرا پاوے جنوں ٹوریا سی صغری نے نال دعاواں دے
رات لنگدی اے ویر رو رو کے دن لنگدا اے وچ اڈیکاں دے
رب جانڑے میل کدوں ہونڑے تیرے باجوں بھینڑ اجڑی وس پئے گئی راہواں دے
تیرے ناں دے سنیہے دے دے کے پکھواں نوں میں بھیجدی رئی آں
اکبر نوں آکھو مل جاوے دن آخری آ گئے نے ہنڑ میریاں ساہواں دے
خواب تکیا اے بیڑیاں پا کے ویر سجاد ٹردا جاندا اے
رب خیر کرے صحراواں وچ قرآن دے وارث نے محتاج رداواں دے
روز سکھنا دے دیوے بالاں میں ناناں تیرے اداس روضے تے
مینوں آن سہیلیاں آکھن صغری کدوں مکنڑے نے دکھ درد بھراواں دے
نال امبری تے نال بھیناں دے شالا اکبر جوانیاں ماریں
سفراں وچ ہونڑ نصیب تینوں سائے چن ویرن وے بابئے دیاں چھاواں دے
پاک بی بی دی نور اکھیاں دا رو رو کے ہائے مکدا جاوے ثمر
ویراں دے درد وچھوڑے وچ بیمار تے ہوئے نے اینج اثر جفاواں دے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.