Mera Veer Maar Chadya Be Dard Musalmana
Noha Lyrics & Urdu Writeup on Darbare Shaam recited by Sajjad Bukhari Group Sialkot
میرا ویر مار چھڈیا بے درد مسلماناں
بازاراں وچ منایا چہلم میں اوہدا ناناں
لکھ ظلم کرو لوگو بھانویں کوئی سزا دیوو
نئی منگدی رہائیاں میں میرے سر تے ردا دیوو
میں دھی آں محمد دی کیتا کسے حیا نہ
ایہہ کہہ کے اکھیاں چوں پیا قیدی رت رووے
مجبور کوئی شالا میرے ورگا نہ ہووے
ہائے لاشہ سکینہ دا بے کفن ہے دفنانا
ہائے ویکھ کے سر ننگے پیا عابد غش کھاوے
زینب نوں فکراں نے سجاد نہ مر جاوے
اوہدی کھا گیا جوانی دربار وچ بلانا
بے پردہ زینب نے بازار چوں لنگنا اے
رب جانے ایہہ منظر کیویں عابد تکناں اے
بڑا اوکھا ہو گیا اے سجاد نوں بچانا
اسی خون محمد ہاں زینب فرمایا اے
شبیر نے نیزے تے قرآن سنایا اے
روندی سی سن کے زینب رئیاں ہوندیاں اذاناں
خنجر دے تلے کیتا جو سجدہ او یاد اے
نہ مارو ویر میرا رئی کردی فریاد اے
مر جاوے گی سکینہ شبیر جے رہیا نہ
دربار شرابی دا میں زہرا دی جائی
آواز جدی گھر چوں باہر نہ کدی آئی
اونوں دین دی بقا لئی خطبہ پیا سنانا
سجاد، علی عابد نوں اس روگ مکایا اے
میری ماں دا ناں لے کے ظالم بلایا اے
بنت علی دا رونا ظالم دا مسکرانا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.