Bibi Zainab Ki Jo Guftar Nazar Aati Hai
Manqabat Lyrics & Urdu Writeup on Bibi Zainab (s.a) recited by Ali Abbas Khako
بی بی زینب کی جو گفتار نظر آتی ہے
ہر یزیدی کے لیے مار نظر آتی ہے
تیرے خطبوں کی بلاغت پہ کریں غور تو پھر
جرات حیدر کرار نظر آتی ہے
اس لیے شوق سے پڑھتا ہوں میں خطبات ترے
تو الٹتے ہوئے دربار نظر آتی ہے
آسمانوں کو زمینوں پہ گرا سکتی ہے
یہ بظاہر جو گرفتار نظر آتی ہے
حشر سے پہلے ابھی حشر دکھا دے سب کا
شامیوں جو تمہیں لاچار نظر آتی ہے
وہ عمارت جو بناتی رہی سفیان کی آل
تیرے قدموں میں وہ مسمار نظر آتی ہے
سر بھی اڑتا ہوا بیعت کا نظر آتا ہے
جب ترے خطبے کی تلوار نظر آتی ہے
خون سے تیرے تروتازہ ہے اب دیں کا شجر
اور ہر شاخ ثمر بار نظر آتی ہے
میری نسلوں پہ یہ احسان ہے تیرا بی بی
جو ہر اک پشت عزادار نظر آتی ہے
شان وہ خاک در بنت علی کی ہے اسد
سر پہ رکھ لوں تو یہ دستار نظر آتی ہے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.