Baghdad de tang zindan de vich ik qaidi ae farmaye
Noha Lyrics & Urdu Writeup on Imam Kazim (a.s) recited by Saqlain Ali
بغداد دے تنگ زندان دے وچ اک قیدی اے فرمائے
دے اجر رسالت اج کوئی میرے طوق زنجیر لہائے
جیویں سرخ سی مقتل کربل دا ایویں سرخ ایدا زندان اے
نوکاں نل لگ لگ ہویا اے ایدے بدن دا رنگ مرجان اے
ہر قطرہ خون دا خاک اوتے ایدی غربت لکھدا جائے
اے 14 سال دا قیدی اے نئی مر کے وی آزاد ہویا
ایدے بدن دی سرخی دسدی اے بوؤں ظلم مرن توں بعد ہویا
دے جھوٹے فتوے ظالماں نے ایدی موت اسباب چھپائے
دستور تے ہے جگ دنیا دا ہن زندگی تک تعزیراں
نئی ویکھیا ہائے کسے میت نے انج پایاں ہون زنجیراں
جیویں پاک رضا دے بابے دی میت زنجیر نے پائے
اج فیر بتول دے گلشن تے امت نے ضرب ہے لائی
کر قتل ہے موسی کاظم نوں بغداد چہ عید منائی
ایدی لاش نوں ویکھن اج ظالم اک شغل سمجھ کے آئے
اے اپنی موت ہے خود مریا ایدی میت تے لکھوایا اے
بغداد دے چند مزدوراں نے ایدا آن جنازہ چایا اے
بے وارثاں وانگوں چھڈ گئے نے کوئی کاظم نوں دفنائے
اظہر اک شام دی قیدن ہے جیہڑی رو رو ایہو کہندی اے
مینڈے وانگوں میت کاظم دی ہائے وچ زنجیراں قیدی اے
نئی وطن تے ولیا فیر کاظم ساہ وچ پردیس مکائے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.