Ye matam kaise ruk

یہ ماتم کیسے رُک جائے زہرا کی دُعا ہے یہ ماتم یہ ماتم کیسے رُک جائے

کونین کی ہر دولت دے کر اس غم کی حفاظت کرنا ہے شبیر کی خاطر جینا ہے شبیر کی خاطر مرنا ہے یہ جسم رہے یا مٹ جائے مظلوم کا ماتم کرنا ہے زہرا کی تمنا پوری ہو یہ جان رہے یا مٹ جائے زہرا کی دُعا ہے یہ ماتم یہ ماتم کیسے رُک جائے

اس پرچم کی عظمت کے لیئے عباس نے بازو دے ڈالے اس پرچم کی عزت کے لیئے غازی نے سہے دل پر بھالے اس پرچم کے مشکیزہ سے لپٹے ہیں سکینہ کے نالے عباس ِعلی کا پرچم ہے یہ پرچم کیسے جُھک جائے زہرا کی دُعا ہے یہ ماتم یہ ماتم کیسے رُک جائے

سالارِ حُسینی کیا کہنا معراجِ وفا سر تاجِ وفا ہر موج تڑپتی ہے اب تک ساحل سے جو تو پلٹا پیاسا تھاحُکمِ حُسینی جنگ نہ کی ہر وار سہا ہر ظُلم سہا تھا ہوش میں جب تک فکر یہ تھی پیاسی نہ سکینہ رہ جائے زہرا کی دُعا ہے یہ ماتم یہ ماتم کیسے رُک جائے

جب تک یہ سکت اس جسم میں ہے حق اپنا ادا کر دینا ہے قسمت جو سعادت دے ہم کو یہ جان فِدا کر دینا ہے یا اشک سے یا خونِ دل سے اس دامن کو بھر دینا ہے آئی ہے یہاں اک شہزادی اُمید کا دامن پھیلائے زہرا کی دُعا ہے یہ ماتم یہ ماتم کیسے رُک جائے

وہ وقت ہے اب تک آنکھوں میں تھا خون میں غلطاں ابنِ علی اور گونج رہی تھی مقتل میں فریاد و فُغاں اک دُکھیا کی سینے سے بہیں خوں کی دھاریں اور ہاتھ نہ رُکنے پائے کبھی مظلوم کا ماتم ہوتا رہے زہرا کی صدا جب تک آئے زہرا کی دُعا ہے یہ ماتم یہ ماتم کیسے رُک جائے

یہ ماتم ہے ھل من کی صدا ہر اشک ہے جذبہ نُصرت کا یوں حق کی طرف آ جانے کا حاصل ہے ابھی تک اک موقع پہچان ضمیر و دل کی صدا اس ماتم میں شامل ہو جا شبیر بُلاتے ہیں اب تک گر حُر ہو کہیں تو آ جائے زہرا کی دُعا ہے یہ ماتم یہ ماتم کیسے رُک جائے