Khandaq Ka Waqia Hai Yeh

یا قاہر العدو یا والی الولی یا مظہر العجائب یا مرتضی علی حیدر کی ذوالفقار کے جوہر دکھاؤں گا خندق نہ کھائیں آپ میں خندق سناؤں گا

اصحاب پر نبی کی سوالی نظر اٹھی اس سگ کی زبان کرے بند ہے کوئی لیکن وہاں تو پہلے سے بھر کر تھی خامشی اٹھا نہ تین بار میں کوئی بجز علی تیار کیسے ہوتے شہادت کے واسطے کلمہ پڑھا تھا مال غنیمت کے واسطے

آخر خدا کی مرضی بتا دی رسول نے اللہ کے علی کو صدا دی رسول نے اپنا امامہ اپنی عبا دی رسول نے پہلو میں ذوالفقار سجا دی رسول نے شیر خدا جہاد کو تیار ہو گئے اک وقت میں دو احمد مختار ہو گئے

بن کر رضا نبی کی علی مرتضی چلے تھا حکم ابوتراب سے پیچھے قضا چلے اپنا شکار کرنے کو شیر خدا چلے کہتے ہوئے زبان سے یافاطمہ چلے اس نام کے طفیل جو چاہے ابوتراب خندق کیا کائنات الٹ دے ابوتراب

میں ابن عبد ود ہوں پکارا وہ بے خبر بولے امام ہم ابوطالب کے ہیں پسر جاری رجز تھا دونوں طرف سے بہ کروفر اس سمت کل کفر تھا ایمان کل ادھر اس نے کہا کہ لاٹ ہبل کا بدن ہوں میں مولا پکارے دیکھ لے پھر بت شکن ہوں میں

شیر خدا کی بات پہ غرایا بے ادب بولے علی زبان چلاتا ہے بے سبب حسرت نکال تیغ اٹھا وار کر بس اب نکلی جو ذوالفقار تو موقعہ ملے گا کب میں دو کروں گا تیرے ابھی ایک وار میں دوزخ بھڑک رہی ہے تیرے انتظار میں

خالی گیا جو وار تو گھسیا کے رہ گیا تھا اژدہا زمین پے بل کھا کے رہ گیا بیکار وار ہوگئے جھنجلا کے رہ گیا چکر علی کے کاٹ کے چکرا کے رہ گیا آخر نبی کا قول تھا صورت بدل گئی سگ کی طرح زبان دھن سے نکل گئی

اٹھی جو ذوالفقار تو سب کی نظر پھری جبریل پیچھے پیچھے پھرے یہ جدھر پھری اصحاب ڈھونڈتے ہی پھرے کہ کدھر پھری تھے اس قدر صفائی سے سر کاٹ کر پھری ظالم جہاں کھڑا تھا وہاں سے ہلا نہیں سر کب کا کٹ چکا ہے بدن کو پتا نہیں

جب کر چکے تمام یہ قصہ شہ نجف لشکر میں گونجا نعرہ تکبیر صف بہ صف بولے نبی علی کو یہ حاصل ہوا شرف سب امت رسول کے اعمال اک طرف تاحشر فرق کفر پے کاری یہ ضرب ہے ثقلین کی نمازوں پے بھاری یہ ضرب ہے

سر عمر کا رسول کے قدموں میں جب رکھا منظر نظر میں میر تکلم کی پھر گیا دروازہ بتول پے گستاخ جو ہوا مجھ کو یقیں ہے پائے گا وہ بھی یہی سزا اس کو مزہ امام زمانہ چکھائیں گے سر کاٹ کر بتول کے قدموں میں لائیں گے