Ye majlise hussain

ہے سوگ جس جگہ بھی شہ مشرقین کا خود پرسہ زہرا لیتی ہے اس نور عین کا رونا ثواب جس پہ نہ رونا حرام ہے چشمِ خدا میں اس کا بڑا احترام ہے

یہ مجلس حسین علیہ السّلام ہے چشمِ خدا میں اس کا بڑا احترام ہے

یہ مجلسیں ہے حمد خدا نعت مصطفیٰ ان مجلسوں میں ہوتا ہے قرآن لب کشا ان مجلسوں سے ملتا ہے جنت کا راستہ ان مجلسوں کی ہوتی ہے کچھ ایسی ابتداء ذاکر کے لب پہ پہلے خدا کا کلام ہے یہ مجلس حسین۔۔۔

ان مجلسوں میں ہوتی ہے انسانیت کی بات ذکرِ غمِ حسین ہے وحدانیت کی بات یہ مجلسیں رسول کی حقانیت کی بات رد کرتی ہے یہ مجلسیں صفیانیت کے بات ان کے سبب تو حر بھی علیہ السّلام ہے یہ مجلس حسین۔۔۔

ان مجلسوں کو اجر رسالت کہا گیا روز ازل سے رونے کو فطرت کہا گیا دل کی لغت میں اس کو محبت کہا گیا یعنی اسے بتول کی سنت کہا گیا ہر رونے والی آنکھ کو میرا سلام ہے یہ مجلس حسین۔۔۔

اک مجلس عزا جو ہوی ملک شام میں زینب نے صف بچھای تھی یاد امام میں آنسوں چھپے ہوے تھے شہیدوں کے نام میں ماتم ہوا جو یاد شہ تشنہ کام میں تب سے غمِ حسین زمانے‌ میں عام ہے یہ مجلس حسین۔۔۔

مجلس میں ذکرِ بالی سکینہ کیا کرو پانی پیو تو یاد شہ کربلا کی ہو مجلس میں تذکرہ علی اکبر کا جب سنو اک آہ سرد بھر کے تڑپ کر یہی کہو اصغر بڑا شہیدوں میں تیرا مقام ہے یہ مجلس حسین۔۔۔

اس مجلس حسین کا سرور ہے نوحہ خواں تھکتی نہیں ہے ذکرِ حسینی میں یوں زباں گھٹی میں اشک غم کو پلاتی رہی ہے ماں والد نے دی ہے کان میں نوحوں کی وہ اذاں ریحان جس سے سارے زمانے میں نام ہے یہ مجلس حسین۔۔۔