Kal Sehra Tenu Laya Aj Vain Tere Pawaan
Noha Lyrics & Urdu Writeup on Hazrat Qasim (a.s) recited by Anjuman Sipah-e-Ahl-e-Bait Sialkot
کل سہرا تینوں لایا اج وین تیرے پاواں
پتراں دے بعد جگ تے کیویں جوندیاں نے ماواں
تیرے سہرے دے پھل قاسم لال میرا کملائے نئی
بنری تے بنرے دے ہتھوں لوکو گانے لائے نئی
اک دن دی بنری نوں میں تیری لاش کنج وکھاواں
لٹ لئی اے مسلماناں بیوہ دی کمائی اے
انج لاش کوئی نئی آئی جیویں لاش تیری آئی اے
روندی اے آکھ فروا قاسم میں صدقے جاواں
رل مہندی گئی قاسم سہرا وی رل گیا اے
ریتاں اتے حسن دا اج خون ڈل گیا اے
تیرے بعد میرا کوئی نئی کنوں لال میں بلاواں
گٹھڑی چ لاش آئی کہرام مچ گیا اے
ہائے لال اج حسن دا دنیا تے نہ ریا اے
جیہڑے رہ گئے نے بنرا تیرے شگن میں مناواں
شگناں دے ویلے ماواں بچھڑے سجاندیاں نے
وچ کربلا دے نجفی اج وین پاندیاں نے
تیرے سہرے دے پھل پا کے تیری لاش نوں سجاواں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.