Rut badal gayi ae Kufay di kita zalima zulm akhir ae
Noha Lyrics & Urdu Writeup on Imam Ali (a.s) recited by Matmi Sangat Miran Muhammad Baqir Bahlol Dana Sialkot
رت بدل گئی اے کوفے دی کیتا ظالماں ظلم اخیر اے
کر قتل علی نوں سجدے وچ لٹی زہرا دی جاگیر اے
مسجد وچ پاک مصلے تے اج ورک قرآن دے زخمی نے
جیہڑی ضرب چلی اے حیدر تے گئی دل حسنین دا چیر اے
کیتا قتل ہے ابن ملجم نے داماد محمد عربی دا
اج خون علی نال سرخ ہوئی فی القربا دی تحریر اے
حسنین دا بابا قتل ہویا مسجد چوں خبر آئی اے
سن خبر بتول دے ویہڑے وچ روندی آیت تطہیر اے
گھر پاک رسول دا اجڑ گیا غش کر گئیاں زہرا جائیاں نے
جس ویلے جنازہ بابے دا ٹرے لے شبر شبیر اے
عباس دے جوندیاں جی کیویں اج بخت بتول دے ڈھل گئے نے
بھینی نوں ویکھ کے روندا اے گل لا غازی شمشیر اے
دھیاں دے سر نوں ویکھ کے اج ہائے شاہ نجف پئے کہندے نے
لگدا اے ہائے اج کوفے وچ ڈٹھی شام دی گل تصویر اے
سادات نوں محشر تائیں اظہر اے مسجد کوفہ نئی بھلنی
جتھے خون علی نال ظالماں نے لکھی زینب دی تقدیر اے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.