Aao Baba Ko Rukhsat Karo

بیٹیاں تھیں جنازہ تھا احساس تھا دور بابا کی میت سے عباس تھا وقت رخصت کفن جب ہٹایا گیا آخری بار چہرا دکھایا گیا اپنے عباس کا جب خیال آگیا دے کے آواز شبیر نے یہ کہا

جب سے بابا نے چومے ہیں شانے تیرے کربلا یاد آتی ہے بھائی مجھے ایک زخمی بدن ہوگا جب بے کفن کون آئے گا بھائی اٹھانے اسے آج سب ہیں چلو تم مرا ساتھ دو دور بیٹھو نہ اب میرے غازی اٹھو

جانتا ہوں بہت صبر تم نے کیا اپنے بابا کے قاتل کو پانی دیا زخم گہرا ہے اب بھی شکستہ ہے سر اس نے تلوار سے وار ایسا کیا ضرب کے زخم سے خون پھر نا بہے دیکھو میت رکھی ہے بہت دیر سے

جیسے اماں نے مجھ کو بلایا سنو تم بھی بابا کو اک بار آواز دو ماں کی طرح سے بند کفن توڑ کر اپنے سینے سے تم کو لگا لیں گے وہ ان کا احساس ہو تم تو عباس ہو میرے بابا کے دل کے بہت پاس ہو

بس یہ ارمان ہوتا ہر باپ کا میرے بیٹے اٹھائیں جنازہ مرا کہہ کے یہ بات شبیر رونے لگے اور پھر ہاتھ سینے پہ رکھ کر کہا ایسا نا ہو کبھی باپ اٹھائے کوئی اپنے کاندھے پہ میت جواں لال کی

یاد ہے تم کو بابا نے جاتے ہوئے ہاتھ رکھا تمہارا مرے ہاتھ پہ تم کو شب کی نمازوں میں مانگا گیا اے مرے بھائی کرب و بلا کیلئے کیا یہ صدمہ ہے کم ہیں یتیم آج ہم ہائے آغاز کرب و بلا ہے یہ غم

تھام کر اپنی ٹوٹی ہوئی پسلیاں دیکھو بابا کے پہلو میں بیٹھی ہیں ماں ہائے غربت وہی ہاتھ پہلو پہ ہے تازیانوں کے جس پر ہیں اب بھی نشاں دیکھو اے باوفا ساتھ ہیں مصطفی چل کے بابا کو اب بول دو الوداع

دیکھو بابا کی میت سے لپٹی ہے وہ تم ہی زینب کے جینے کی امید ہو بھائی شبر نے رخ سے ہٹایا تھا جو اپنے ہاتھوں سے تم وہ کفن باندھ دو عکس خیبر شکن مر نہ جائے بہن تم کو دیکھے گی تو چھوڑ دے گی کفن

بات بہنوں کی آئی تو غازی اٹھے اپنے بابا کی میت کی جانب چلے آکے بابا قدموں کا بوسہ لیا اے رضا حال ذیشان کیسے لکھے جب جنازہ اٹھا گھر میں کہرام تھا رو کے عباس نے بھائیوں سے کہا