Ghash Hai Taari Lab E Mazloom Pe Jaari Hai Bayaan

غش ہے طاری لب مظلوم پہ جاری ہے بیاں میرے یارب میرے خالق اے میرے مالک جاں تیرا مظہر ہوں میں یعنی میرا ثانی ہے کہاں میری ہستی سے ہے ظاہر تیری وحدت کا نشاں باوجود اس کے اٹھاتا رہا میں رنج و الم سہ کے جاتا ہوں ستم رب کعبہ کی قسم

تیرے محبوب کو پالا ہے میرے بابا نے اس کو سینے سے لگایا ہے میرے بابا نے نرغہ کفر کو ڈھایا ہے میرے بابا نے یعنی اسلام بچایا ہے میرے بابا نے پھر بھی کافر کہا لوگوں نے انہیں ہائے ستم سہ کے جاتا ہوں ستم رب کعبہ کی قسم

اے خدا تیرا نبی یعنی محمد آقا فرش تا عرش پڑھا جاتا ہے جس کا کلمہ جس نے اس دین کی تبلیغ میں کیا کچھ نہ کیا پھر بھی لوگوں نے اسے اجر رسالت نہ دیا اس کی میت پہ کیا صرف علی نے ماتم سہ کے جاتا ہوں ستم رب کعبہ کی قسم

بعد سرکار نبی ظلم و ستم ڈھایا گیا فاطمہ زہرا کو دربار میں بلوایا گیا اور تحریر محمد کو بھی جھٹلایا گیا جلتا در فاطمہ صدیقہ پہ گروایا گیا اب تو بس دل میں میرے پہلو شکستہ کا ہے غم سہ کے جاتا ہوں ستم رب کعبہ کی قسم

میری نظروں میں ہے اب میرے حسن کا لاشہ مجھ کو آتا ہے نظر کرب و بلا کا صحرا بازو عباس کے شبیر کا سر واویلا بے ردا زینب و کلثوم سفر عابد کا سوچتا ہوں تو میرے سینے میں رک جاتا ہے دم سہ کے جاتا ہوں ستم رب کعبہ کی قسم

ہے دعا تجھ سے خداوند اے ذات باری تا قیامت رہے یہ نسل امامت جاری آئے مشکل نہ کبھی میرے محبوں پہ کوئی جلد از جلد ہو اللہ ظہور مہدی تاکہ وہ دشمن اجداد کے سر کر دے قلم سہ کے جاتا ہوں ستم رب کعبہ کی قسم

خدا گواہ ہے یاسر کہ بس خدا کے سوا کوئی سمجھ نہیں پایا علی کی تنہائی