Ya rab be haqqe
Noha Lyrics & Urdu Writeup on Azadari recited by Farhan Ali Waris
یا رب المشرقین یا رب المغربین
یا رب بہ حق زہرا توفیق یہ عطا ہو
مرنے سے پہلے یا رب دیدار کربلا ہو
جو ارض کربلا ہے ہر ارض سے سوا ہے
اس خاک کربلا میں شہ کا لہو ملا ہے
ہر لا دوا مرض کی یہ خاک ہی دوا ہو
مرنے سے پہلے یا رب۔۔۔
یا رب بہ حق زہرا۔۔۔
میں بھی تو ماتمی ہوں ذاکر ہوں کربلا کا
نوحہ پڑھا ہے میں نے ہمشکل مصطفیٰ کا
اس ذاکری کا میری قسمت میں یہ صلہ ہو
مرنے سے پہلے یا رب۔۔۔
یا رب بہ حق زہرا۔۔۔
یا رب نماز شب میں بس یہ دعا کروں میں
کچھ دیر اس زمیں پر مجلس بپا کروں میں
ہر ماتمی کے لب پر ہر دم یہی دعا ہو
مرنے سے پہلے یا رب۔۔۔
یا رب بہ حق زہرا۔۔۔
مظلومیت پہ جس کے روتا ہے یہ زمانہ
اس بے خطا کے در پر اک بار تو ہے جانا
جو قرض ہے لہو پر وہ اس طرح ادا ہو
مرنے سے پہلے یا رب۔۔۔
یا رب بہ حق زہرا۔۔۔
وہ سر زمیں جہاں پر گونجی اذان اکبر
تسبیح آنسوؤں کی پڑھنی ہے اس زمیں پر
اک سجدۂ عقیدت اس خاک پر عطا ہو
مرنے سے پہلے یا رب۔۔۔
یا رب بہ حق زہرا۔۔۔
قربان ہوگیا جو کلثوم کی دعا پر
روضہ میں اسکا دیکھوں وہ مر گیا وفا پر
گر یہ شرف بھی میری تقدیر میں لکھا ہو
مرنے سے پہلے یا رب۔۔۔
یا رب بہ حق زہرا۔۔۔
ننھی سی جس لحد میں سوتے ہیں اب بھی اصغر
اس پر چڑھاونگا میں پھولوں کی ایک چادر
پرسہ وہاں ہو ایسا پہلے نہیں ہوا ہو
مرنے سے پہلے یا رب۔۔۔
یا رب بہ حق زہرا۔۔۔
صبحِ دہم فلک سے برسا لہو جہاں پر
ابنِ حسن کا لاشہ تھا چار سو جہاں پر
اعضاوں کی جگہ پر فرش عزا بچھا ہو
مرنے سے پہلے یا رب۔۔۔
یا رب بہ حق زہرا۔۔۔
حر عون اور محمد بے سر جہاں ہوئے تھے
انصار و اقربا کے بکھرے جہاں تھے لاشے
پرسہ وہاں میں دونگا گر روح فاطمہ ہو
مرنے سے پہلے یا رب۔۔۔
یا رب بہ حق زہرا۔۔۔
سجدہ جہاں کیا تھا مظلوم کربلا نے
جھاڑا تھا جس زمیں کو بالوں سے سیدہ نے
جب میں وہاں پہ جاؤں ہونٹوں پہ دم رکا ہو
مرنے سے پہلے یا رب۔۔۔
یا رب بہ حق زہرا۔۔۔
جس خاک کی فضیلت کعبے سے بھی سوا ہے
سجدہ ہر ایک نبی نے جس خاک پر کیا ہے
سجدہ وہاں کروں میں زہرا کی گر عطا ہو
مرنے سے پہلے یا رب۔۔۔
یا رب بہ حق زہرا۔۔۔
فرحان لفظ میرے دیتے ہیں یہ صدایں
ہر مجلس عزا میں کرتا ہوں یہ دعائیں
بس مظہر عابدی پر یہ آخری عطا ہو
مرنے سے پہلے یا رب۔۔۔
یا رب بہ حق زہرا۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.