Ro Ro Ghazi Nu Bulawe Zainab
Noha Lyrics & Urdu Writeup on Bibi Zainab (s.a) recited by Ravi Road
شمر منگدا اساں توں چادراں وی کیویں ہن پردے بچاوے زینب
غازی آ گئی میں تیرے مان اتے ستیاں توں نہر دے کنارے ویرن
ہو کے پابند ویرن شامیاں دی ننگے سر شام نوں جاوے زینب
منہ لکا کے فضہ دی کنڈ اولے ویر دی قتل گاہ چ روندی آں
چاروں جانب ہے بھیڑ قاتلاں دی کتھوں بھیناں نوں لنگاوے زینب
آوندا تکیا جو خالی علم تیرا نال پھٹیا ہویا سی مشکیزہ
ظلم کی کی اساں تے ہوئے نے کنوں ہن جا کے ڈساوے زینب
شامیاں داج لٹیا کبرئی دا بن قیدن تیری کھلوتی اے
مہندیاں والے ہتھ نمازی دے کھڑی ویرن نوں دکھاوے زینب
جے نہ کردا پابند غازی نوں اذن جنگ دا حسین جے دیندا
ہو نئیں سکدا سی فیر قید ہو کے منہ نوں والاں چ لکاوے زینب
بعد قتل عباس توں اختر در بدر ہو گئیاں فاطمہ جائیاں
سنگ برساندیاں بدمعاشاں دی بھیڑ راہواں چوں ہٹاوے زینب
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.