Hasnain Jadon Babay Da Taboot Uthaya
Noha Lyrics & Urdu Writeup on Imam Ali (a.s)
حسنین جدوں بابے دا تابوت اٹھایا
میں اجڑ گئی بابا رو رو کے ہائے زینب نے وین پایا
تطہیر دیاں پلیاں اسی فاطمہ دی جائیاں
ساڈے پردیاں تے رب نے خود آیتاں بنائیاں
فیر آپ تسی بابا کوفے دا ہائے بازار کیوں وکھایا
اج پہلی واری مینوں ناں لے کے تو بلا لے
بانواں کفن چوں کڈ کے زینب نوں سینے لا لے
شبر لئی جیویں کفن وچوں ہائے بانواں نوں ماں نے چایا
کیوں لاشہ تیرا کنب دا کیوں اکھیاں روندیاں نے
دس بابا تیتھوں تیری دھیاں ایہہ پچھدیاں نے
اساں روندیاں جد بابا چادر نوں ہائے چہرے تیرے تے لایا
نانے دا تو علی سیں غازی علی بھرا دا
میرے دور دے علی نوں اک وار مل جا بابا
اکھ کھول کے ویکھ تینوں ملن لئی ہائے سجاد میرا آیا
ثقلین نئی تخیل تاریخ نے وے دسیا
بس پیو دی موت تے ای عباس روندا تکیا
اس دن تو علاوہ نئی روندا ہویا ہائے عباس نظر آیا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.