Shah-e-Konain Da Janaza
Noha Lyrics & Urdu Writeup on Imam Ali (a.s)
شاہ کونین دا جنازہ جدوں گلیاں چہ آیا ہائے میت نے وین پائے
کوفے دے لوکو شہر سجا لو کل میریاں دھیاں لئی کوئی نہ بازار سجائے
میرے ویری بار آ جاون اٹھا کے پتھر
لین بدلے میری میت تے وسا کے پتھر
کوئی شہر دا واسی قیدی کر کے میرے پور دے بالاں تے نہ آن کے پتھر وسائے
مان بھیناں دا روے جگ تے سلامت شالا
جیویں دنیا تے میرا غازی اے علماں والا
بھیناں دی چادر بن کے جیویں غازی دا قاتل آج میرے بازو آن لہائے
میرا لاشہ باب کوفہ تے لیہ جائے کوئی
اوتھوں دربار تائیں مینوں پھرائے کوئی
زہرا دیاں جائیاں نوں گلیاں وچ بن چادر باج رداواں نہ جھڑکاں مار پھرائے
تیر گردن چہ میری آ کے پرو لو سارے
کل کوئی میریاں پتراں نوں نہ نیزے مارے
نو لکھ فوجاں دے رہوار بلا کے وچ صحرا دے میری میت پامال کرائے
شہر وچ جنیاں وی رسیاں نے منگا لے حاکم
میری دھیاں دی جگہ مینوں پوا لے حاکم
باواں گردن دے نال پرو کے میری میت تے حاکم پیا نیلے داغ بنائے
وینڑ کردا ریا اکبر اے نجف دا والی
چوں سالاں دی سکینہ نوں نہ مارے کوئی
میرے کن چیرے مار طمانچے میری بچڑی دے بدلے مینوں وچ قیداں دفنائے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.