Baghdad de qaidi nu
Noha Lyrics & Urdu Writeup on Imam Kazim (a.s) recited by Ravi Road
بغداد دے قیدی نوں جدوں اجڑیاں دھیاں نے رو رو کے وداع کیتا
پئیاں کردیاں بابا بابا سن کمب گیا عرش خدا دا گل نالوں جدوں شاہ نے دھیاں نوں جدا کیتا
کربل دی کہانی نوں انج وقت نے دہرایا لگدا سی جیویں مڑ کے فیر دور یزید آیا
بابے دے ہتھکڑیاں دھیاں رون بوہے تے کھڑیاں سجاد دی سنت نوں کاظم نے ادا کیتا
زنجیراں سنے چایا مزدوراں نے میت نوں سر خاک پائی زہرا تک پتر دی حالت نوں
اج فضل دا بابا آوے آ طوق گلے دا لاوے مظلوم مسافر دا امت نہ حیا کیتا
زندان دے وچ جس نے زندگی اے لنگا چھوڑی اودی لاش مسلماناں راواں چہ رولا چھوڑی
کوفے چہ علی کرلاۓ بقیعے چوں وین سی آۓ دل توڑیا احمد دا زہرا نوں بپا کیتا
کسے رلدیاں نئی ویکھی انج لاش اسیراں دی بازاراں وچوں آوے چھنکار زنجیراں دی
مڑ جان سپاہی کھر کے ہتھ نبض اتے تر تر کے پک موت دا ہو گیا سی فیر کیوں نہ رہا کیتا
اج غافل ماتم توں نہ کوئی پرسہ دار ہووے متاں نال تیرے روندا کھڑا پاک بیمار ہووے
اوس اجڑی نوں پرچاؤناں اے جنے شام چوں روندیاں آؤناں اے ہر چوک عبور اختر جنے باج ردا کیتا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.