Dar e Behesht Pe Ism e Ali Likha Hua Hai
Manqabat Lyrics & Urdu Writeup on Imam Ali (a.s) recited by Mukhtar Hussain Fatehpuri
در بہشت پہ اسم علی لکھا ہوا ہے
وہاں بھی اپنے لیے اک نجف بنا ہوا ہے
نہ روز حشر بھی اٹھے گا اب برائے حساب
جنازہ پڑھ دیا حیدر نے یہ مرا ہوا ہے
ادب سے سر کو جھکائے ہے ہر چراغ کی لو
جناب فاطمہ زہرا کا تذکرہ ہوا ہے
اے اشک کیا کہیں رومال فاطمہ ہے قریب
تو انتظار میں پلکوں پہ جو رکا ہوا ہے
عجیب عشق تھا ذروں سے پوچھتا رہا حر
میرے حسین کا خیمہ کہاں لگا ہوا ہے
غبار راہ مدینہ غبار راہ نجف
یہی وہ نور ہے آنکھوں میں جو بسا ہوا ہے
جمال سبز پہ طاری ہے رنگ کرب و بلا
لوائے حمد بھی فرش عزا بنا ہوا ہے
ہر ایک موج پہ ہو گی رقم شکست یزید
فرات کا علی اصغر سے سامنا ہوا ہے
ہر اس محاذ پہ اکبر کروں گا ذکر حسین
کہ جس محاذ پہ بندہ خدا بنا ہوا ہے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.