Jannat To Azadaron Ke Rehne Ki Jagah Hai

اقوال مقدس سے یہ ادراک ہوا ہے جنت تو عزاداروں کے رہنے کی جگہ ہے

اللہ نے اک روز فرشتوں کو بلایا اور شہ کے عزاداروں کے بارے میں بتایا آرائش جنت کا انہیں حکم سنایا جبریل سے یہ خلد میں اعلان کرایا جو مرضی زہرا ہے وہی میری رضا ہے جنت تو عزاداروں کے رہنے کی جگہ ہے

سب سچ ہے مگر سوچے ذرا کون عزادار جو صاحب تقوی ہوں نمازی بھی ہوں سرکار گفتار میں میثم ہوں تو کردار میں مختار کہ جن سے رضامند ہوں خود حیدر کرار بس ایسے عزاداروں کے بارے میں لکھا ہے جنت تو عزاداروں کے رہنے کی جگہ ہے

اک رات کو یہ اہل ولا خواب میں دیکھا جنت سے کوئی آ کے سرہانے میرے بیٹھا پھر اس نے مجھے نیند سے بیدار کرایا اور کہنے لگا خلد سے پیغام ہوں لایا یہ میری نہیں سارے شہیدوں کی صدا ہے جنت تو عزاداروں کے رہنے کی جگہ ہے

یاسر یہی فرماتی ہیں خود فاطمہ زہرا جب روز جزا پیش خدا فیصلہ ہو گا جنت میں نہیں جاؤنگی کرتی ہوں میں وعدہ جب تک نہ چلے جائیں محب شہ والا میں خلد کی ملکہ ہوں یہ حق میں نے دیا ہے جنت تو عزاداروں کے رہنے کی جگہ ہے