Shabbir Se Mango
Noha Lyrics & Urdu Writeup on Imam Hussain (a.s) recited by Syed Mudassar Mehdi
سر کرب و بلا یہ منزلت شبیر سے مانگو
او زوارو! خدا کی معرفت شبیر سے مانگو
کٹیں بازو، لگیں تیر آنکھ میں ہوں جسم کے ٹکڑے
رہیں ہم طاعت سرور میں پیروکار غازی کے
کف عباس پر یہ خاصیت شبیر سے مانگو
جو مثل قاسم و عون و محمد، اکبر و اصغر
امام وقت کی خاطر سر مقتل کٹائیں سر
عزادارو! تم ایسی ذریت شبیر سے مانگو
حبیب ابن مظاہر، جون و ابن عوسجہ جیسی
سعید و وہب و حر، نافع، زہیر و نصر و عابس سی
سر گنج شہیداں حیثیت شبیر سے مانگو
بہ احساس ندامت خدمت شہ میں یوں ہو پیشی
ملے فرزند زہرا سے سند تم کو معافی کی
جناب حر کے جیسی معذرت شبیر سے مانگو
نظر ہو جذبہء ایثار انصار حسینی پر
تڑپ اٹھے جو بہر نصرت مہدی دل مضطر
سپاہ کربلا سی اہلیت شبیر سے مانگو
بہ یاد زینب و عابد لپٹ کر تربت شہ سے
خلاف کفر جو قائم رہے ہر حال میں ڈٹ کے
وہ عزم و حوصلہ وہ شخصیت شبیر سے مانگو
مقام خیمہ گاہ و تلہء زینب پہ خوں رو کر
جو ہو مقبول دربار بتول و زینب مضطر
وہ اخلاص عزا و تعزیت شبیر سے مانگو
برائے نصرت قائم، برائے ماتم سرور
مدثر اور ارم کوشاں رہیں ہم تا دم محشر
ولایت سے منور عاقبت شبیر سے مانگو
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.