Haye Abbas
Noha Lyrics & Urdu Writeup on Hazrat Abbas (a.s) recited by Syed Mudassir Mehdi
ہائے عباس
پھڑ کمر شبیر اے وینڑ کیتا، زہرا مٹیاں تے بہہ گئی اے
عباس نئیں جھڑیا گھوڑے توں چادر زینب دی لہہ گئی اے
جیہڑی پیو دے سینے سوندی رئی، کنج او مٹیاں تے سووے گی
عباس دی مرشد زادی ہنڑ ول ول بابے کوں رووے گی
اے مشک چوں پانی نئیں ڈلیا، تقدیر سکینہ بہہ گئی اے
جیہڑی غیرت اے کل پنجتن دی اتے دھی اسلام دے رہبر دی
ہنڑ بن کے قیدنڑ سینڑ میڈھی کنج شام دے سفراں جاوے گی
غازی دے بازو قلم ہوئے، زینب دکھ سہن نوں رہ گئی اے
ہنڑ شام تے کوفے وچ یارب او بھیڑ بازاری دیکھے گا
سر ننگے ماواں پھوپھیاں دے سجاد مہاری دیکھے گا
ہائے خاک تے غازی نئیں آیا، گل طوق بیمار دے پہ گئی اے
توں تڑپے گا تو جس وقت لعیں میرے گیسوواں وچ ہتھ پاوے گا
میرا گل ہوسی خنجر ہوسی اس ویلے کون بچاوے گا
میرے چن ویرن تیرے باج میری زندگی تھوڑی جئی رہ گئی اے
نہ ڈر سفاک زمانے توں حیدر بے خوف تو ماتم کر
نئیں روز حشر دا ڈر سانوں ہے علم دا سایہ سر اوپر
حبدار تے جنت واجب اے شبیر دی مادر کہہ گئی اے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.