Sajjad layi ae mushkil ae shaam da safar
Noha Lyrics & Urdu Writeup on Imam Sajjad (a.s) recited by Nasir Asghar Party
سجاد لئی اے مشکل اے شام دا سفر
اکبر بھرا دا قاتل عابد دا ہمسفر
اصغر دا کرتا ویرن میری لحد وچ رکھا دے
احسان کر قبر دا عابد نشاں مٹا دے
تیرے بعد آ نہ جاوے میری قبر تے شمر
ہویا رہا جدوں دا چپ چپ سجاد ریندا
پچھے حال کوئی رو کے ناں شام دا اے لیندا
جیہڑے ظلم ویکھے عابد دنیا نوں کی خبر
ایس شام دے شہر وچ شبیر رل گئیاں
دربار ویکھ ویرن تیری موت بھل گئیاں
بیمار مر نہ جاوے زینب نوں اے فکر
آکھے رباب عابد مشکل ہے میرا جینا
اصغر ہے کربلا وچ رہ شام گئی سکینہ
ہوئی گود میری خالی کس دی لگی نظر
جن و بشر ملائک کر دے بڑی عبادت
لیکن ہے لاالہ دی بنیاد اے شہادت
سجدہ حسین تیرا بے شک عظیم تر
روندا اے خون قیدی نئی مرض کوئی پرانی
اے شام کھا گئی اے سجاد دی جوانی
ہویا ضعیف یکدم بازاراں دا اثر
تنویر آوے مہدی کرو مل کے سب دعا اے
رک جاوے رت اکھاں دی عابد نوں چین آوے
آباد فیر ہووے اے فاطمہ دا گھر
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.