Rahwan de vich seen Ruqayya
Noha Lyrics & Urdu Writeup on Farzandane Muslim
راہواں دے وچ سین رقیہ رووے تے کرلاوے
یا رب سائیاں کوئی پتراں دی خیر دی خبر سناوے
پتراں باج نہ جیون ماواں میں اج کیویں عید مناواں
درد وچھوڑا میں اجڑی دے سینے وچ اگ لاوے
خاب دے وچ دریا دے کنارے روندے ویکھے لال پیارے
زلفاں ہتھ ظالم دے کسیاں کیہڑا آن چھڑاوے
تیرے رعب تو غازی ڈر کے پکھرو وی پرواز نئی کردے
کر احسان تے پتر ملا دے رو رو ترلے پاوے
گلیاں دے وچ روندے ہوسن اک دوجے نوں کیندے ہوسن
کیہڑا دردی ویر اج سانوں امبڑی نال ملاوے
نہ رو بھین اے آکھے غازی میں جاواں شبیر نئی راضی
نہ ازماں اج ویر اپنے نوں رووے تے سمجھاوے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.