Safeer Aal e Nabi Kalma Gowaan Maarya
Noha Lyrics & Urdu Writeup on Hazrat Muslim (a.s) recited by Ravi Road
سفیر آل نبی کلمہ گواں نے ماریا
ہائے بیعت حسینی کر کے فیر نمازیاں نے مسلم دا سر اتاریا
گھر روندیاں پٹدیاں دھیاں مسلم چھوڑ کے ٹریا
امت مہمان نوازی کیتی فیر نہ مڑیا
غازی دی بھین رقیہ بچھڑے دان کیتے نالے سر دا تاج واریا
کوفے وچ کلیاں رہ گیا حیدر دا داماد اے
اینوں آخری ویلے آئی ویر عباس دی یاد اے
لگے زخم ہزاراں بدن اتے تلواراں دے پر حوصلہ نہ ہاریا
زہرا دیاں جائیاں جد بابے دے شہر چوں لنگیاں
ہائے پتھراں دی برسات چہ ہون سراں توں ننگیاں
جتھے سر مسلم دا ٹنگیا شمر کمینے نے اوتھوں قافلہ گزاریا
ہتھ والاں دے وچ پا کے حارث واری واری
سر کیتے قلم رقیہ دی اینے جوڑی ماری
پکھیاں تے پیاسیاں بالاں نے ہائے رب جانے کیویں ظلم اے سہاریا
حارث دی زوجہ بال سوائے مار کے تالے
اے روندے اٹھ پئے ماں نوں ویکھ کے خاب وچالے
ظالم نے سن لیا بچیاں نے جدوں رو رو کے بابا، بابا پکاریا
اک زخمی دوجا پیاس ہتھوں ہویا مجبور اے
اختر مسلم لاچار کھڑا وطناں توں دور اے
اک گھٹ پانی دا دیوے جو پردیسی نوں کوئی سہارا نہ رئیا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.