Phal Barchi Da Kha Ke Akbar
Noha Lyrics & Urdu Writeup on Hazrat Ali Akbar (a.s)
پھل برچھی دا کھا کے اکبر بابے نوں فریاد کرے
صغری نوں اے آکھو مینوں وعدے توں آزاد کرے
زین توں لتھدا ویکھ کے اکبر آکھے خالق دین وفا دا
دیوو اجازت جنگ دی مینوں سرخ کراں میں رنگ صحرا دا
ہتھ مل مل کے شاہ دیاں منتاں اکبر دا استاد کرے
پھل برچھی دا اکھڑیاں سانواں گھلیاں اکھیاں ویلیاں راہواں
تینوں قاصد ویر اکبر دا دس میں کیویں حال سناواں
خط صغری دا سینے لا کے وین ایہو سجاد کرے
موت تیری دا سن کے ماں دی اکھیاں دے وچ چھائے ہنیرے
در نئی لبدا ہن خیمے دا پھردی پئی اے چار چفیرے
لاش تیری تے لے آون لئی کون ایدی امداد کرے
کھول کے سر دے وال سفید اے مہندی خون دی لاندی رئی اے
پتر دا سینہ چم کے لیلی رو کے ایہو کیندی رئی اے
کوئی کسے دی جھولی یارب ایویں نہ برباد کرے
ابراہیم توں اوکھی منزل اسمعیل تو ودھ سرمایہ
اکبر اپنا زخم چھپایا بابے اپنا صبر وکھایا
پاک حسین دے وانگوں اکبر جگ تے کون جہاد کرے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.