Ik Wela Aaway Ga Ghazi Jadoon Peni Lor Wafawan Di
Noha Lyrics & Urdu Writeup on Hazrat Abbas (a.s) recited by Matmi Sangat Ghulaman Aun o Muhammad
اک ویلا آوے گا غازی جدوں پینی لوڑ وفاواں دی
میرا لال علی دا شیر ایں توں شبیر دی چپ توں دے دیویں قربانی دونواں بانواں دی
ایہہ پہلی وفا دی لوری اے جیہڑی ام البنین سنائی اے
زینب جو آکھے کر دیویں او پاک بتول دی جائی اے
عباس وفا دا مالک توں تیرے وانگوں زینب مالک اے دنیا تے تیریاں ساہواں دی
دہلیز تے سجدہ کر کے توں فیر حجرے سامنے جایا کر
جدوں واج پوے عباس بھرا جی ملکہ آکھ بلایا کر
اسی حسن، حسین دے نوکر آں زینب تیری مرشد زادی اے توں مرضی بھین بھراواں دی
توں بن کے امانت آیا ایں تینوں وارثاں کول پہنچاونا سی
ایہہ ساری فضیلت تیری اے ایس گھر وچ میں وی آونا سی
غازی ایہہ زہرا چاہندی سی تیرے ہوندیاں اوہدیاں دھیاں نوں نہ ہووے فکر رداواں دی
پنج ہستیاں دا توں لاڈلا ایں تیرا چہرہ علی دا چہرہ اے
زہرا دے دکھ دا وارث توں تیرے نال آباد ایہہ ویہڑہ اے
تینوں بھیناں گود کھڈایا اے تیرے باج مکمل ہوندی نئی کوئی تصویر حیاواں دی
اوہدے ویر ستاراں ہور وی نیں بس ویر نئی توں چادر ایں
تیرے آون دا مقصد پہرہ اے ایس پہرے لئی توں حیدر ایں
تیرے نال بتول دی عظمت دا پردہ محفوظ اے دنیا تے توں غیرت ایں دو ماواں دی
میں خون جگر دا دینا واں درداں نوں ثمر پرونا واں
اک پل وچ شام بازار اندر اک پل وچ کربل ہونا واں
میری ہر پرواز تے قبضہ اے میرے علمدار والے مرشد دا اوہدے ہتھ وچ لاج عطاواں دی
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.