Dar Jala Kar Hans Rahi Hai Ummat e Khair ul Wara

در جلا کر ہنس رہی ہے امت خیرالوری اور آہیں بھر رہی ہیں درد سے خیرالنساء بہہ رہا ہے ایک جانب حضرت محسن کا خوں اور شعلے اٹھ رہے ہیں اور فضہ کی بکا ہو گیا پہلو شکستہ یا الہی خیر کر خون میں ڈوبی ہیں زہرا یا الہی خیر کر

ایسا لگتا ہے کہ محسن کی شہادت ہو گئی زخم ہے پہلو پہ گہرا یا الہی خیر کر

پسلیاں دائیں سے بائیں فاطمہ کی ہو گئیں رو کے یہ کہتی ہے فضہ یا الہی خیر کر

ایک ظالم نے کلائی فاطمہ کی توڑ دی یہ بھی ہے زینب کو صدمہ یا الہی خیر کر

وقت آخر یہ دعا ہے ماں کی بیٹی کے لیے یہ نہیں ہو سر بریدہ یا الہی خیر کر

فاطمہ زہرا پکاریں توڑ کر بند کفن ہے میرا شبیر پیاسا یا الہی خیر کر

ہو چکا ہے یہ ستم بھی فاطمہ نے جب کہا کھا لیا میں نے طمانچہ یا الہی خیر کر

ایک دن تربت سے اٹھ کر فاطمہ کہنے لگیں اب سفر ہے کربلا کا یا الہی خیر کر

قبر میں بھی کہہ رہی ہیں فاطمہ خیرالنساء لے کے اک کرتا، عمامہ یا الہی خیر کر

نوحہ گر کاظم، علی ہیں چھن گیا یاسر فدک حق پہ ہے زہرا کے قبضہ یا الہی خیر کر