Armaan Ae
Noha Lyrics & Urdu Writeup on Imam Ali (a.s) recited by Qari Party
اس کوفے شہر چہ امت نے کیتا زینب دا نقصان اے ارمان اے
کدی پیو دا سر زخمی کیتا کدی دھی دا سر عریان اے ارمان اے
اے خواب چہ دسیا زہرا نے تیرے اجڑن دی رت آ گئی اے
اے عید دا چن نئیں دھی زینب تیرے اجڑن دا اعلان اے ارمان اے
میرا غیرتاں والا بابا توں کیوں رونا ایں چم کے گسنیاں نوں
تیرے اتھرو ویکھ کے لگدا اے میری قسمت وچ زندان اے ارمان اے
تیری شاہی ویکھنڑ آئی ساں تیرا مقتل امت وکھایا اے
عاشور توں گھٹ نئیں زینب تے بابا انویں رمضان اے ارمان اے
اس کوفے وچ مہماناں دا پتھراں نل استقبال ہوندا اے
کنج ٹرسیں وچ بازاراں دے تیرا ہوسی سر عریان اے ارمان اے
دستور تے نئیں اینج دھیاں نوں بازار وکھائے نئیں ویندے
اے سوچدی رئی بوؤں دیر تائیں زہرا دی دھی حیران اے ارمان اے
محسن مسجد وچ پاک علی جڈاں آپ جگایا قاتل نوں
ہر پیغمبر دا وینڑ آیا تیرے حوصلے توں قربان اے ارمان اے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.