Yeh mazloomiat thi suno Fatima ki

یہ مظلومیت تھی سنو فاطمہ کی بیاں کر رہی ہیں مدینے کی گلیاں

مدینے میں پہلے نہ دیکھا یہ منظر یہ حملہ ہے پہلا خدا کی کساء پر خدا جانے سینوں میں شاید تھے پتھر گراتے تھے زہرا پہ جلتا ہوا در بچانے نہ آیا مدینے میں کوئی بیاں کر رہی ہیں مدینے کی گلیاں

ہاں کچھ لوگ ہاتھوں میں تھے آگ تھامے جو بیت علی کی طرف بڑھ رہے تھے وہ در جس پہ سلمان کرتا تھا سجدے جلاتے تھے اس در کو وہ لوگ ہنس کے تھی گھر میں اکیلی محمد کی بیٹی بیاں کر رہی ہیں مدینے کی گلیاں

یہ آل نبی پر تھا کیسا زمانہ نہ امت نے احمد کا فرمان مانا وہ درباریوں کا چلے گھر پہ آنا ہدف جن کا حیدر کو قیدی بنانا ہاں باندھی تھی حیدر کی گردن میں رسی بیاں کر رہی ہیں مدینے کی گلیاں

یوں بعد پیمبر ہے بدلہ مدینہ انھیں تنگ کرتا تھا بی بی کا رونا مدینے سے باہر بنا ایک حجرہ جہاں جا کے کرتی رہیں آپ گریہ ادا اجر احمد یوں کرتے تھے امی بیاں کر رہی ہیں مدینے کی گلیاں

ہاں کاشان و باقر سناؤ یہ نوحہ غم قلب زہرا وہ پہلو شکستہ یہ ثابت ہے بی بی کا ناراض ہونا اٹھاتے ہیں حیدر یوں شب میں جنازہ سر قبر زہرا علی کی دہائی بیاں کر رہی ہیں مدینے کی گلیاں

کیا ماں کے ہیں غم یہ حسن جانتا تھا کیوں پہلو شکستہ ہے اس کو پتا تھا وہ قیدی بنانا وہ دربار جانا ہاں اس راستے سے حسن پھر نہ گزرا گزاری ہے تکلیف میں زندگانی بیاں کر رہی ہیں مدینے کی گلیاں