Mere Maula Main Likhun Teri Fazeelat Kaise

بڑا مشکل تیری مدحت کا سفر لگتا ہے لوگ کہہ دیں نہ نصیری یہی ڈر لگتا ہے

ایک ہی وقت میں چالیس جگہ پر موجود ہر نفس تجھ میں جھلکتے ہیں صفات معبود چاند سورج بھی سمجھتے ہیں اشارہ تیرا زندگی کیا ہے اجل پر بھی ہے قبضہ تیرا یاعلی دین پیمبر کا نگہبان ہے تو جس پے اللہ کا دھوکہ ہو وہ انسان ہے تو

تیری چوکھٹ پہ ستارے نے سلامی دی ہے تیرے بچوں کی فرشتوں نے غلامی کی ہے کل ایمان ہے جبریل کا استاد ہے تو حد ہے کونین کے سردار کا داماد ہے تو یاعلی تیرے تعارف میں کوئی کیا بولے تیری ٹھوکر کا اشارہ ہو تو مردہ بولے

تیغ سے کرتا ہے جسموں پہ کشیدہ کاری تیرے ہر وار پے ہوتی ہے شجاعت واری سر میداں بھی عدالت کو نبھایا تو نے تیغ کو عدل کی میزان بنایا تو نے تیری ہر ضرب سے انصاف کے جوہر نکلے جتنے ٹکڑے کیئے آپس میں برابر نکلے

پتلا آدم کا بنایا ہے تیرے ہاتھوں نے نقشے کونین تراشہ ہے تیرے ہاتھوں نے سوچتا ہوں کہ نصیری کی خطا ہی کیا ہے جب کے اللہ کا چہرہ بھی تیرا چہرہ ہے خود دیا نہج بلاغہ میں جو خطبہ تو نے اس سے لگتا ہے بنائی ہے یہ دنیا تو نے

جنت و کوثر و تسنیم و ارم تیرے ہیں حد یہ ہے دوش رسالت پہ قدم تیرے ہیں التجا یہ ہے کہ حسنین کا صدقہ دے دے اپنے مداحوں کو مدحت کا سلیقہ دے دے گفتگو کرنے کے آداب سکھا دے مولا میرے ہر لفظ کو نایاب بنا دے مولا

تو علی پہلا وصی پہلا ولی پہلا امام تو جلی نور وفا نور یقیں نور پیام تو حسیں حسن بیاں حسن عمل حسن کلام تو جری ترا علم تیرا قلم تری حسام سامنے تیرے کہاں کوئی عدو بولتا ہے تیری رگ رگ میں شجاعت کا لہو بولتا ہے