Zahra darbar ch ghasib nu babay di sanad wakhawandi rayi
Noha Lyrics & Urdu Writeup on Bibi Fatema (s.a) recited by Adeel Abbas Kamalvi
زہرا دربار چ غاصب نوں بابے دی سند وکھاوندی رئی
رورو کے بضعۃ منی دا فرمان بتول سناوندی رئی
جدی ماں دا حشر دے روز تائیں اسلام نئی قرض چکا سکدا
او بی بی حق نوں لین لئی کئی گھنٹے نیر وہاوندی رئی
یثرب دے سنگ دل لوکاں نوں سرتاج دی تھاں دربار دے وچ
سہہ جھڑکاں بدر تے احد دے او بدلے آپ چکاوندی رئی
جس ویلے سامنے زہرا دے کر ٹکڑے سند اڑائی سی
شبر دے سمجھ کے جگر دے او ہائے ٹکڑے سند اٹھاوندی رئی
بے شک نہ اونوں حق دیندے پر غم ایہہ جگر نوں کھاندا اے
امت کیوں سین صدیقہ دے ہائے پاک گواہ جھٹلاوندی رئی
اک قنفذ نامی لعنتی نے انج زخمی سین نوں کیتا اے
جدوں تسبیح زہرا کردی سی تکلیف اونوں تڑپاوندی رئی
جے غیرت بشر توں رکھدا ایں ایہہ گل انصاف نال دس مینوں
عصمت تے شرم دی سجدہ گاہ نوں امت کیوں رلاوندی رئی
ایہہ ماتم عین عبادت اے بدعت نئی جگ نوں دس محسن
جنے گریہ تے ماتم کیتا اودا رتبہ سین ودھاوندی رئی
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.