Mere Ghazi Main Likhon Kaise Qaseeda Tera

تو وفاؤں کا سمندر ہے میں اک قطرہ ہوں ڈوب جاؤں نہ کہیں سوچ کے یہ ڈرتا ہوں

تجھ کو اللہ نے بخشا ہے نرالا رتبہ تجھ کو معصومہء عالم نے کہا ہے بیٹا تو نے اس طرح سے پانی پے کیا ہے قبضہ اب لگا سکتا نہیں کوئی ستمگر پہرہ تیری زینب سے زمانے میں حیا باقی ہے تیرا صدقہ ہے جہاں میں جو وفا باقی ہے

تیری خاطر ترے بابا نے دعائیں کی ہیں روح زہرا نے تیری آ کے بلائیں لی ہیں فاتح خیبر و خندق کی جھلک ہے تجھ میں اور حسنین کے چہرے کی چمک ہے تجھ میں خاندان بنی ہاشم کا اجالا تو ہے جس کو مانگا ہے علی نے وہ جیالا تو ہے

میرے مقصد کی ہر اک گام حفاظت کرنا میرے شبیر کی تا عمر حمایت کرنا دین اسلام بچانے مرا لال اٹھے گا میرے شبیر سے بیعت کا سوال اٹھے گا مارنا ایسا طمانچہ کے نہ پھر بول سکے حشر تک کوئی یزیدی نہ زباں کھول سکے

تیرے بابا نے تجھے گود میں اپنی لے کے ننھے ننھے ترے بازو کے لئے ہیں بوسے اور پھر چوم کے پیشانی یہ بولے مولا یہ میرا چاند سا فرزند جواں جب ہوگا ایسا بے مثل زمانے میں یہ غازی ہوگا ایک لشکر نہیں دنیا پے یہ بھاری ہوگا

ایسے مولا کی مدح کیا یہ کرے گا ہانی پیاسا خود رہ کے جو دریا کو پلائے پانی پوری تاریخ میں یہ ایک سخی ایسا ہے گو نہیں ہاتھ مگر پھر بھی عطا کرتا ہے جو لڑا روب نظر سے وہ دلاور یہ ہے جس سے سیراب ہیں دریا وہ سمندر یہ ہے

پھر بڑے پیار سے بیٹے کی ہے مٹھی کھولی کھول کر مٹھی کئی بار علی نے چومی پھر امامت کی نگاہوں سے وہ پنجہ دیکھا ننھے پنجے کو ہے پھر اپنے لبوں پر رکھا پہلے مولا نے وفاداری کا اقرار لیا اور پھر اپنی شجاعت کا بھرم سونپ دیا