Rahe salamat

سناں پہ بول رہا ہے حسین ابنِ علی لہو میں اپنے نہا کر ہزار صدمے اٹھا کر یزیدیوں کو مٹا کر خدا کے دین کا پرچم بلند میں نے کیا کسی یزید میں طاقت کہاں جھکاے مجھے سفر بہ نوکِ سناں قد پسند میں نے کیا سنے یہ سارا زمانہ حسین کی آواز

قبول اس لئے نیزے کی نوک کی میں نے میرا کٹا ہوا سر دشمنوں سے پست نہ ہو میں سر اٹھاے ہوئے دشمنوں سے کہتا ہوں حسین ہوتا وہی ہے جسے شکست نہ ہو میرے عزاداروں اے میرے غم خواروں تمہارے ازم کو میرے سلام

رہے سلامت تا قیامت رہے سلامت عشق حسینی رنگ وفا دکھلاتا ہے ورنہ کون کسی کی خاطر اپنا خون بہاتا ہے

یہ کالے کپڑے جو زیب تن ہیں عشقِ حسینی کی ہے دلیل جھولے عماری تعزیہ داری سینہ زنی پانی کی سبیل اہل عزا کو یہ تہزیب عشقِ حسین سکھاتا ہے رہے سلامت۔۔۔

یہ چھوٹے بچے اور شب داری یوں تو بڑا مشکل ہے سفر سوچو اگر تم اہلِ زمانہ عشقِ حسینی کا ہے اثر عشقِ حسین ہی ان بچوں کو فرش عزا تک لاتا ہے رہے سلامت۔۔۔

دیکھو زرا تم کعبے میں جا کر صرف مسلماں ہونگے وہاں فرش عزا وہ واحد جگہ ہے اپنے پرائے سب ہیں جہاں آتا وہی ہے فرش عزا پر جس کو حسین بلاتا ہے رہے سلامت۔۔۔

وہ جو بناے فرش عزا ہے ہم ہیں اسی بی بی کی دعا عشقِ حسینی تھا اس کے دل میں اور ہمیں ورثے میں ملا جس کو ملا ورثے میں یہ ماتم اہل عزا کہلاتا ہے رہے سلامت۔۔۔

عشقِ حسینی دل میں بسا کر زندہ رکھی غازی نے وفا جس نے وفا کو زندہ رکھا ہے بالی سکینہ کا ہے چچا اس کو دعا دیتی ہے سکینہ جو بھی الم کو اٹھاتا ہے رہے سلامت۔۔۔

عشقِ حسینی سے ہے نمازیں عشقِ حسینی فرش عزا عشقِ حسینی شعلوں پہ چلنا سینہ زنی زنجیر و خمہ عشقِ حسینی کی طاقت سے ماتمی خوں میں نہاتا ہے رہے سلامت۔۔۔

سنو مظہر و عرفان اے عزادار من یہی وہ شہدائے کربلا ہے جنہوں نے ھل من کی صدا پر لبیک کہا اور میرے عشق میں اپنی جانوں کا نظرانہ پیش کیا