Aun Di Maa Ae Aun Nu Ro Samjhawe
Noha Lyrics & Urdu Writeup on Haz. Aun O Mohd (a.s) recited by Mir Hasan Mir
عون دی ماں اے عون نوں رو سمجھاوے
تیرے جیندے جی شبیر میرا اکبر دی لاش نہ چاوے
زخماں وچ چور وی ہو کے تو شبیر نوں واج نہ ماریں
جتنا وی ممکن ہووے بس مقتل وچ وقت گزاریں
انج ویر دی پاک زیارت دا مینوں ہور وقت مل جاوے
تیرے آخری ساہ وچ ماں زہرا نے لاش تیری تے آنڑا اے
تو بوسے دے کے قدماں تے سر خود جھولی وچ پانڑا اے
تینوں چاون لئی میری زخمی ماں پاسے تو ہتھ نہ چاوے
تو تکیا اے میں بچپن توں اونوں کیتا کتنا پیار اے
میری جھولی وانگوں اکبر ای میرے ہنجواں دا حق دار اے
نہ امڑی تے ناراض ہوویں جے لاش تے وین نہ پاوے
جے چاناں اے ماں راضی رے تے رکھیں پاس ادب دا
جدوں لاش تیری تے مقتل وچ آوے سردار عرب دا
اے واجب اے تعظیم لئی خود لاش تیری اٹھ جاوے
دو پتر تے سر دی چادر اے تیری ماں دا گل سرمایہ
ایناں توں ودھ کے قیمتی اے میری ماں زہرا دا جایا
بس زینب نوں اے فکراں نے کیویں ویر حسین بچاوے
تسی ہاشمی او اے یاد رووے رئی اکبر رو فرماندی
میداں وچ حوصلے لڑدے نے تلوار نئی ویکھی جاندی
اک حیدر دے اک جعفر دے رنگ وچ تلوار چلاوے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.