Mardum chashm mere deeda-e-purnam mein rahe

مردم چشم مرے دیدہء پرنم میں رہے خاک اچھے ہوں وہ بیمار جو شبنم میں رہے خلق مصروف عزا شاہ کے ماتم میں رہے ہم رہیں غم میں سدا مجریء غم ہم میں رہے

دست مژگاں میں سدائے میر سرشک ماتم سبحہ عیسی کی طرح پنجہء مریم میں رہے غم سرور کی عبادت کا مہینہ ہے یہ شامل آب وضو اشک محرم میں رہے دور عالم میں فقط خانہ نشینی دیکھی ہم نگینے کی طرح حلقہء خاتم میں رہے

دل میں درد اشک عزا دیدہء پرنم میں رہے غم محرم میں رہے مجریء ہم غم میں رہے سر کھلے فاطمہ جب مجلس ماتم میں رہے چاہئے آنکھ پہ رومال محرم میں رہے مجریء ہم غم سلطان دو عالم میں رہے صورت شمع عزا حلقہء ماتم میں رہے

سوزن حضرت عیسی کی طرح سے خامہ وصف زینب کے سبب رشتہء مریم میں رہے فکر معنی بھی رہی فکر سخن میں ناظم ہم جس عالم میں رہے اور ہی عالم میں رہے آنکھ میں رہ کے رہے اشک جلائے مردم یہ بھی عیسی کی طرح دامن مریم میں رہے

متکلم ہیں رہی فکر دلیل اعلی حجت اللہ کے ہم منتظر عالم میں رہے ماتم آل محمد کی صفوں پر ہے قائم صاحب امر کے محکوم ہی عالم میں رہے