Chadran sar te nai zakhm pairan cha bare
Noha Lyrics & Urdu Writeup on Shaam
چادراں سر تے نئی زخم پیراں چہ بڑے پتھراں خاراں دے
کیویں ٹریاں ہوسن بھینڑی مظلوم دیاں وچ بازاراں دے
رات نوں جناں دی امڑی دا جنازہ اٹھیا
آ کے جبریل سدا جناں دے در تے رکیا
اوناں مستوراں نوں پینڈے کرنے پئے گئے سنگ اشراراں دے
کول سجاد دے آ وینڑ اے پاوے زینب
باج چادر دے کیویں شام نوں جاوے زینب
ویر غازی وی نئی لگے مجمعے بچڑا بد کرداراں دے
نال بابے دے جیہڑی سینڑ نہ بولے لوکو
بعد زہرا دے رئی فضہ دے اولے لوکو
اللہ جانڑے کیویں بولدی رئی ہوسی نال مئے خواراں دے
رو سکینہ نے کہیا لوکو نہ رت رون دیو
میرے سجاد نوں دو گھڑیاں ذرا سون دیو
کوئی جگ دنیا تے پیش اینج نئی آوندا نال بیماراں دے
تنگ بازار اندر رو پئیاں پھپھیاں ماواں
سر تے عابد دے جدوں کیتیاں پتھراں چھاواں
رنگ تبدیل ہوئے ویکھیا دنیا نے نیزے اسواراں دے
ہویا اعلان یتیماں نوں ستایا جاوے
مار کے کوڑے مہارئی نوں ٹرایا جاوے
وین گونجن لوکو فاطمہ جائیاں دے وچ بازاراں دے
ایہو توقیر سدا رو کے دعاواں کردا
ماواں بھینڑا دا روے شالا سلامت پردا
کہو آمین تسی رہنڑ آباد سدا گھر عزاداراں دے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.