Akbar de vichoray nana sughra nu beemar banaya
Noha Lyrics & Urdu Writeup on Bibi Sughra (s.a) recited by Anjuman Azadaaran Imam Hussain Sialkot
اکبر دے وچھوڑے نانا صغری نوں بیمار بنایا
اودھی یاداں میریاں منتاں ہائے روز رلایا
خوشبو علی اکبر دی راتاں نوں آ جگاندی
قدماں دی ویہڑیاں چوں آواز فیر آندی
کدی چہرہ ویر دا دسدا کدی ویر دا سایا
توں ٹر گیا سیں کربل اکبر بغیر میرے
میں بھل گئی ساں جینا میرے ویر بعد تیرے
ایس وعدے فیر توں جینا صغری نوں سکھایا
اصغر نوں یاد کردی جھولے دے کول بیٹھی
تیراں چہ زخمی گردن ویرن دی نظر آئی
اس دن توں بھین نیں مڑ کے نئی جھولا جھلایا
وچ خاب دے میں تکیا اکبر نوں جدوں روندا
کئی واجاں ماریاں میں سفراں نوں ٹردا جاندا
اک واری ویرنا مڑ کے نئی مینوں بلایا
صابر اے لے کے خبراں کربل توں آئے پنچھی
صغری بیمار تیرے اکبر نوں لگ گئی برچھی
نئی لائی ویر نے مہندی نہ سہرا سجایا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.