Pairan Wich Zakhm Sakina De
Noha Lyrics & Urdu Writeup on Bibi Sakina (s.a) recited by Anjuman Azadaaran Imam Hussain Sialkot
پیراں وچ زخم سکینہ دے پتھراں تے ٹردی جاندی اے
اک باپ دے سر نوں ویکھن توں کئی وار طمانچے کھاندی اے
سر پتھراں نال تے زخمی اے رخسار تے نیل وی آئے نے
ہر روز یتیمی ایدے لئی دکھ وکھرے نال لیاندی اے
صحرا دیاں تپدیاں ریتاں تے راہواں دے خار گواہ رہنا
اے چھوٹی فاطمہ کربل چوں کیویں ول شام دے آندی اے
بیمار بھرا دی سفراں وچ رت اکھیاں دی ودھ جاوے ناں
تائیوں اے سوچ کہ عابد توں گردن دے نیل چھپاندی اے
جیہڑی شبیر دے سینے تے سوندی سی اج زندان اندر
بند اکھیاں کر کے مٹیاں تے بس روندی تے کرلاندی اے
صابر لگدا اے قید اندر بس ایدا وقت اخیری اے
بابئے دے سر نوں رو رو کے غربت دے وین سناندی اے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.