Mehandiyan Wale Nu Vekhin Aan Savere
Noha Lyrics & Urdu Writeup on Hazrat Qasim (a.s) recited by Asghar Khan
مہندیاں والے نوں ویکھیں آن سویرے
میں توڑ چڑھاواں گا امڑی سب حکم اے تیرے
میں گھوڑیاں دے سماں اتے پہلے تے رنگ چڑھانواں گا
فیر سفراں دے شگناں کیتے وچ آپ ای وس جاواں گا
میری مہندی دے وچ شام دے وی ہونڑے رنگ بتھیرے
پھلاں دی کیہڑی گل اے ماں جدوں پیو کبرئی دا آوے گا
جس پاسے ہوواں گا مینوں اپنے قدماں وچ پاوے گا
میں استقبال لئی ہوواں گا اودھے چار چوفیرے
مقتل وچ ویر حسین تیرا مینوں دوجا غازی جئے نہ کہے
ہائے شبر لازمی آکھے گا بہہ بہہ کے بہتر تھاواں تے
تصویر ہووے گی بابئے دی ہر ٹکڑے تے میرے
اکبر اصغر دیاں ماواں سن میری پھپھیاں دوویں آن گیاں
تینوں رو رو کے پرچان گیاں نالے فخر وی کردی جان گیاں
تینوں کہن گیاں تیرے قاسم نے رکھے مان بتھیرے
میرا وعدہ اے ہن شگناں دی ترتیب بدل دے گا قاسم
مہندی دے ناں تے گلیاں وچ تیرے پتر دا ہووے گا ماتم
تابوت میرا جدوں نکلے گا لگے ہون گئے سہرے
اے آکھ کے گٹھڑی بند کیتی اکبر ہر وین مکا کے ماں
قرآن سمجھ کے منیا اے ہر حکم میرا میں راضی آں
پاویں چھا گئے نے میں اجڑی دی دنیا تے ہنیرے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.