Aye Zair e Hussain Al Salam

کس طرح سے بیان ہو منظر وہ عشق کے پیدل جو کربلا کو نکلتے ہیں قافلے کوئی نجف سے اور کوئی بصرہ کی راہ سے ہاتھوں میں یاحسین کے پرچم لیے ہوئے زائر جو کربلا کی طرف دوڑے جاتے ہیں عباس چل کے خود انہیں لینے کو آتے ہیں

حج کے بغیر حج کا فریضہ ادا کیا موسم کی کوئی فکر نہ خوف قضا کیا چھالوں سے اپنے مرہم زخم انا کیا تو نے پیادہ پا سفر کربلا کیا قطرے تیرے پسینے کے کیا کام آئے ہیں اللہ نے انہی سے فرشتے بنائے ہیں

دلہن کی طرح راہ سجاتے ہیں عاشقین خیمے محبتوں کے لگاتے ہیں عاشقین جو سال بھر میں رزق کماتے ہیں عاشقین دولت وہ زائروں پے لٹاتے ہیں عاشقین کہتے ہیں پھر بھی قلب ہمارے نہ بھر سکے ہم زائر حسین کی خدمت نہ کر سکے

ہوتی ہے اک قطار موکب وہاں سجی خدمت میں زائرین کی رہتا ہے ہر کوئی پانی لیے کوئی تو کوئی بن کے ماشی ان خادموں کے عشق پے کہتا ہے دل یہی کرتے ہیں صاف آ کے پسینہ جبین سے ملنے حسین آتے ہیں جب خادمین سے

جو راستے میں کرب و بلا کے گزر گئے کیسے کہوں کے میر تکلم وہ مر گئے پردیس میں تھے لوٹ کے وہ اپنے گھر گئے آئے اجل بتاؤں وہ زائر کدھر گئے دار فنا سے ملک بقاء لے گئے حسین خود آ کے ان کو کرب و بلا لے گئے حسین