Haye Qasim De Main Sehre Hanjwan De Naal Sajawan
Noha Lyrics & Urdu Writeup on Hazrat Qasim (a.s) recited by Raza Abbas Zaidi
ہائے قاسم دے میں سہرے ہنجواں دے نال سجاواں
شگھناں دی مہندی وچ ماں ہنجواں نوں گھول کے آکھے
ترے شگھن مناواں قاسم کیوں صحراواں دے پیاسے
ریا خیمیاں وچ نہ پانی کیوں مہندی گھول لیاواں
انا اعطینا والی کوثر دا بوھا من کے
کس خیموں قاسم ٹوراں بارات تے جانجی تیرے
لیلتہ القدر دا ویہڑا کیہڑا خیمے پتر بناواں
سی پھل برسان دا ویلا جدوں لاڑا بن وچ آیا
ایدھے ٹکڑیاں تے امت نے ایدھے شگھن دا جشن منایا
تے سر تے کیتیاں لوکاں تیراں پتھراں دی چھاواں
مری تیراں سال دی محنت وچ کربل رنگ لے آئی
تینوں دین دعاواں بنڑا خاتون جنت آئی
کہوے زخمی پہلو دادی تینوں بنڑا آپ بناواں
مہندی نوں رنگ چڑھاوے اکبر دا زخمی سینہ
خوشیاں دا رنگ ودھاوے اصغر دا تیر تے ہنسنا
بارات نوں رستہ دین غازی دیاں کٹیاں باواں
تینوں جنگ دی دین اجازت تعویذ حسن لے آئی
میں ویر حسین تے زینب دی ساں بیوہ بھرجائی
مرا ادب ہمیش نبھایا ایناں دوواں بھین بھراواں
اکبر اے وین سی ماں دا ترے پیو دی قبر تے جا کے
دیواں گی تیرا پرسہ تری جنگ دا حال سنا کے
اک واری قید نبھا کے میں وطن تے واپس جاواں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.