Karbala Ki Maaon Ki Ghurbat

ان پر سلام آئیں تھیں مائیں جو کربلا کتنی بلندیوں پہ تھا ان سب کا حوصلہ جنت سے دیکھا اور کہا حوا نے مرحبا نام حسین بیٹوں کو قربان کر دیا تھا احترام فاطمہ زہرا کے چین کا بچوں کو سب نے کر دیا صدقہ حسین کا

تھا کس قدر شدید وہ لیلی کا امتحاں اٹھارہ سال پال کر اکبر کیا جواں دیکھا جب اس نے رن میں ہیں سرور پہ سختیاں بیٹے سے بولی بابا پہ قربان کر دو جاں سہرا اسے سجانے کا ارمان مر گیا سینے میں جب جوان کے نیزہ اتر گیا

قاسم کی ماں تھی دشت میں شبر کی نائبہ بیٹے سے بولیں اے مرے نوشا سنو زرا جاؤ کہ عموں جان پہ تم کر دو جاں فدا فروہ نے اپنے لعل کو تیار کر دیا کچھ لمحوں بعد گر گئیں غش سے زمین پر بیٹے کا لاشہ چھوٹی سے گٹھڑی میں دیکھ کر

حق سے عجب ہی حوصلہ پایا رباب نے مرنے کے واسطے اسے بھیجا سنوار کے بیٹے نے جب لگا لیا اک تیر کو گلے اصغر کو گود میں لیا بوسے دیے اسے ہاتھوں میں خود اٹھائی ہے نور نظر کی لاش سرور کے ساتھ دفن کی ننھے پسر کی لاش

اک چار سالہ بیٹی سکینہ، رباب کی رو رو کے جو حسین پہ زنداں میں سو گئی یعنی رباب ایک سفر میں اجڑ گئی سائے میں اس کے بعد وہ بیٹھی نہیں کبھی جاری رکھا حسین کا ماتم رباب نے ہر عید پر منایا ہے بس غم رباب نے

غم ہے عماد، عون و محمد کی ماں کا غم کرب و بلا سے شام جو سہتی رہی ستم بیٹوں کے غم میں آنکھوں کو اپنی کیا نہ نم بھائی کے غم کو رکھا ہے بس سب سے محترم اکبر کے غم میں چین سے سوئی نہیں کبھی بیٹوں کے غم میں بی بی وہ روئی نہیں کبھی