Dulha Bane Hain Mola

الحمد کی خوشی ہے والشمس جھومتی ہے ہر سمت ہے اجالا ہر سمت روشنی ہے اللہ کہہ رہا ہے دونوں جہاں سجا دو احمد کے گھر علی کی بارات جا رہی ہے خوش ہے خدا کا کعبہ دولہا بنے ہیں مولا دلہن بنی ہیں زہرا دولہا بنے ہیں مولا

کیسے بشر کرے گا تعریف مرتضی کی پوشاک ان کی قدسی نعلین ان کی عرشی اور نور کا عمامہ دولہا بنے ہیں مولا

جگ میں سوائے حیدر کوئی نہیں ہے ایسا جس کو چنا خدا نے زوج جناب زہرا اترا فلک سے تارہ دولہا بنے ہیں مولا

سب اولیا کھڑے ہیں سب انبیا کھڑے ہیں داؤد مرتضی کا سہرا سنا رہے ہیں پڑھتے ہیں سب قصیدہ دولہا بنے ہیں مولا

منکر حسد میں جل کر بے موت مر گیا ہے اللہ کی طرف سے اس کی یہی سزا ہے بجتا ہے شادیانہ دولہا بنے ہیں مولا

والشمس گیت گائے والنور گیت گائے خوش ہیں علی و زہرا کوثر بھی مسکرائے قرآں خوشی سے جھوما دولہا بنے ہیں مولا

حوا اور آسیہ ہیں مریم ہیں ہاجرہ ہیں تطہیر کی ردا میں جنت کی مالکہ ہیں منظر ہے سب خوشی کا دولہا بنے ہیں مولا

اک صف میں آگئے ہیں سب باشعور انسان دیکھو عماد نقوی، بوذر ہو یا کہ سلمان سب کا ہے یہ ترانہ دولہا بنے ہیں مولا