Mehman e lucknow
Noha Lyrics & Urdu Writeup on Azadari recited by Afzal Mirza
اے حسین کربلا اے مہمان لکھنؤ
تیرے قدموں کی بدولت اب ہے شان لکھنؤ
درد سے مولا بھر آیا ہے تیرے شایر کا دل
دے اجازت تو زباں ہو ترجمان لکھنؤ
اے حسین کربلا۔۔۔
ٹھیس لگ جاے گی تیرے قلب زخمی کو صاحب
ورنہ کر دیتا وضاحت سے بیان لکھنؤ
اے حسین کربلا۔۔۔
تیرے غم کے ماہ سوا یہ غم بھی ہے اس قوم کو
کیا تھے اور کیا رہ گےء ہے ہادیان لکھنؤ
اے حسین کربلا۔۔۔
کل کی وہ شاہی عزاخانوں میں تیری مجلسیں
جن میں اب تک کچھ نظر آتی ہے شان لکھنؤ
اے حسین کربلا۔۔۔
اے علی کے لاڈلے دامن نہ چھوڑیں گے تیرا
جس طرح چاہے کر لے امتحان لکھنؤ
اے حسین کربلا۔۔۔
بس چلے گر چاہنے والوں کا تیرے اے حسین
تیرے روضے کو اٹھا لائے میان لکھنؤ
اے حسین کربلا۔۔۔
دو مہینے آٹھ دن تک تیرے ماتم میں حسین
عرش سے جا کے ٹکرائی فغان لکھنؤ
اے حسین کربلا۔۔۔
خلد میں شام و سحر کی مجلسوں کے واسطے
فاطمہ نے چن لیےء دو خوش بیان لکھنؤ
اے حسین کربلا۔۔۔
اک دبیر دو جہاں ہے اک انیس کاینات
اک روح لکھنؤ ہے اک جان لکھنؤ
اے حسین کربلا۔۔۔
آج ہے ماتم کا تیرے آخری دن اے صاحب
جا رہی ہے یہ ہاریں گلستانِ لکھنؤ
اے حسین کربلا۔۔۔
کس طرح رخصت کرے اے زینتِ دوش رسول
تجھ سے شرمندہ ہے مولا ساکنان لکھنؤ
اے حسین کربلا۔۔۔
تیرے اکبر کے تصدق تیرے اصغر کے نثار
ہر جوان لکھنؤ ہر بے زبان لکھنؤ
اے حسین کربلا۔۔۔
یہ تو کہیےء آپ کے بھائی کی یاں درگاہ ہے
ورنہ کب تک مٹ گیا ہوتا نشان لکھنؤ
اے حسین کربلا۔۔۔
دیکھ تو مڑ کر زرا یہ اپنی رخصت کا سماں
کس طرح اجڑا پڑا ہے ہر مکان لکھنؤ
اے حسین کربلا۔۔۔
الوداع اے فاطمہ زہرا کے دلبر الوداع
ہر طرف گونجی ہوی ہے یہ فغان لکھنؤ
اے حسین کربلا۔۔۔
جاتے جاتے میرے مولا یہ بتاتے جایےء
سال بھر تک کیا کریں گے ساکنان لکھنؤ
اے حسین کربلا۔۔۔
ہم غریبوں کی طرف سے چند آنسوں کر قبول
اور دے سکتے ہے کیا ہم مفلسان لکھنؤ
اے حسین کربلا۔۔۔
داغ ماتم اور یہ آنسوں پیش کر دینا شہید
آخری شبیر جب آے میان لکھنؤ
اے حسین کربلا۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.