Aag Lag Gayi Ae
Noha Lyrics & Urdu Writeup on Shame Ghariban recited by Mir Hasan Mir
اگ لگ گئی اے وچ خیمیاں دے ساڈا رہ گیا پتر مہاری
سجاد نوں آن بچالے اینوں زینب کنڈ تے چالے کہوے ہر ماں درداں ماری
پھپھیاں نوں سکینہ کہندی سی میرا ویر بیمار بچاؤ
میرے گرتے دی اگ رہن دیو خیمے نوں آن بجھاؤ
میرے ساہ مل جاون اینوں کوئی فکر نئی اپنی مینوں رووے لہو کناں چوں جاری
اکبر دی لاش دے کول کھڑی اے آکھدی ام لیلی
اکبر دی تھاں اینوں لاواں گی جیہڑا سہرا بھیجیا صغری
ایدے جگر دے صدقے لا کے اینوں اکبر پتر بنا کے کڈلاں گی زندگی ساری
اے آکھ کے غش چوں عابد نوں کلثوم نے ہوش کرائے
تو جاگ تے جا پر اے سن لے ساڈے برقعے شامیاں لائے
سر ننگے نے سب پھپھیاں اجے پتر نہ کھولیں اکھیاں ودھ جائے نہ ہوڑ بیماری
او جاندی سی اے دنیا تے شبیر دا منصب دار اے
دوویں قیمتی سن زینب کیتے اک عابد اک دستار اے
بڑے شامیاں چارے لائے اگ خیمے ساڑ مکائے زینب ہمت نہ ہاری
اک ہتھ نال اپنے والاں نوں پئی مٹیاں نال لکاوے
اک ہتھ نال فضہ زینب نوں اے آکھ کے پتر چکاوے
پتھراں خاراں تے ٹریئے اٹھ شام سفر تے چلئے اساں کرلئی اے تیاری
کوئی قاسم سمجھ کے سر چمدی کوئی اکبر پتر بلاوے
ثقلین کوئی غازی آکھے کوئی اصغر نال ملاوے
ہر دکھیا خاک تے بہہ کے سجاد دے سر دے صدقے رئی لاندی واری واری
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.