Bin bazu zeen ton leh gaya ae Zainab Kulsoom da maan ae
Noha Lyrics & Urdu Writeup on Hazrat Abbas (a.s) recited by Shahid Baltistani
بن بازو زین توں لہہ گیا اے زینب کلثوم دا مان اے
ہن لٹ لو چادر زینب دی ہویا فوجاں وچ اعلان اے
ہائے غازی جوندیاں مر گئیاں اج بھینڑاں تیریاں
ساڈے برقعے خاک تے آئے نیں نئیں صرف اے بانواں تیریاں
آ ویکھ علمدار اے اج زینب پہرے دار اے
میرے مک گئے مانڑ بھراواں دے جدوں رکیاں ساہواں تیریاں
تیری جرتاں نوں رلا گئی تینوں چپ شبیر دی کھا گئی
اکھیاں دا خون اے دسدا اے ہن باقی حسرتاں تیریاں
گٹھڑی وچ لاش چھپا کے چھوٹی جئی قبر بنڑا کے
بڑا رویا کر کے یاد عابد بے مثل وفاواں تیریاں
ساڈا مقتل ویر تیار اے اگے شام والا بازار اے
پردے وچ شام دی عورتاں نے رسیاں وچ عزتاں تیریاں
نیزے تے ٹکڑے چائے تیرے قاتلاں نے لہرائے
وچ مقتل جشن مناندے رے چک چک کے بانواں تیریاں
نئی اجڑی بھینڑ بھلا نڑاں ترا اوکھا زین توں لہنڑاں
ہنجواں نال آپ اتاریاں سن زینب نے نظراں تیریاں
جیہڑی پیو دی ماتمدار اے اودھے زخمی ہن رخسار اے
کناں چوں شمر نے در لائے رئی تکدی راہواں تیریاں
محسن سادات دا مانڑ اے جیہڑا پردیاں دا نگران اے
کربل وچ چلدے حکم جدے کرے پوری عرضاں تیریاں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.