Chalo Karbala Chalo Karbala

سر پہ غازی کا علم اور مقصود حرم سوئے حرم بڑھتے رہیں یوں ہی قدم دل میں لئے عشق شہنشاہ امم چلو کربلا چلو کربلا اے عزادار حسین ابن علی چلو کربلا چلو کربلا جانب خلد جو جاتا ہے وہ رستہ ہے یہی چلو کربلا چلو کربلا

اپنے زواروں کو بن مانگے جو کرتا ہے عطا جس کے گنبد تلے رد ہوتی نہیں کوئی دعا جز حسین ابن علی باخدا کوئی نہیں مثل حر تم کو بنا دیں گے وہ قسمت کا دھنی

سلطنت ہے میرے سردار کی کچھ ایسی حسیں آسماں خاک کا ہے اور وہاں نوری زمیں معجزاتی ہے فضا خاک ہے خاک شفا شہ کے قدموں سے اڑی دھول دوا ہر غم کی

اربعیں کا تو ہے دنیا میں نہیں کوئی بدل کربلا جاتے ہیں زوار نجف سے پیدل چاہے مذہب ہو کوئی قید فرقے کی نہیں اپنے دل میں لئے بس عشق حسین ابن علی

قرض لے کر چلو وعدہ ہے میرے مولا کا اپنے زائر کو میں مقروض نہ رہنے دوں گا حشر میں دے گا خدا تم کو رتبہ بھی جدا مرحبا زائر شبیر پکاریں گے سبھی

علقمہ کے جو کنارے ہے سجا اک دربار چل کے عباس کی جاگیر کو دیکھو اک بار بی بی زہرا کی دعا ہے وہی باب عطا سقہ بچوں کو بنا کر لو دعا پیاسوں کی

لب پہ نوحہ ہو تو آنکھوں سے رہیں اشک رواں ہر گھڑی چلتے رہو کرتے ہوئے آہ و فغاں کربلا والوں کا غم کیسے ہوگا کبھی کم دل میں زندہ رہے ہر دم غم اولاد نبی

جانا حرمین سے ہو کر تلہ زینبیہ واں سے شبیر کی تربت کی طرف رخ کرنا ہاتھ رکھ کر دل پر سوچنا وہ منظر اپنے بھائی کا گلا کٹتا بہن دیکھتی تھی

اک مقام ایسا ہے موجود بنام اکبر نوحہ پڑھنا وہاں تم شبیہ پیمبر اکبر ہائے لیلی کا جواں جاکے کہنا یہ وہاں جہاں برچھی کی انی سینہ اکبر میں گڑی

التماس اتنی ہے زہرا و رضا کی مولا ہم کو محشر میں بھی محروم نہ ہونے دینا پیش خدمت یا امام ہم کریں اپنا کلام نوکری آپ کی حاصل رہے ہم کو یونہی