Radawan Qaid Ho Gaiyan
Noha Lyrics & Urdu Writeup on Shaam recited by Mir Hasan Mir
رداواں قید ہو گئیاں تے ماواں قید ہو گئیاں
رسن دے وچ سکینہ دی صداواں قید ہو گئیاں
بھرا دی لاش تے زینب اے رو کے وینڑ کردی سی
دو بانواں کٹ گئیاں غازی دو بانواں قید ہو گئیاں
سناں تے چار بچڑے سن رقیہ رسیاں دے وچ
ایویں ام البنین ماں دی وفاواں قید ہو گئیاں
اے زینب رو کے کیندی سی جگا کے غش توں عابد نوں
سراں لئی خاک رہ گئی اے رداواں قید ہو گئیاں
سناں تے بابے نوں تک کے سکینہ وینڑ کردی سی
کیویں تینوں ملن دے لئی میں آواں قید ہو گئیاں
سر اصغر نوں تک تک کے رباب اے وینڑ کردی اے
مرے ہسدے ہوئے چن دی اداواں قید ہو گئیاں
رقیہ آکھیا تکیا جدوں سر علماں والے دا
میں کنج ظالم تو سر تیرا چھڑاواں قید ہو گئیاں
اندھیرے قید خانے وچ سکینہ وینڑ کردی سی
ایویں لگدا اے سورج دی شعاعواں قید ہو گئیاں
دتا سجاد نے خطبہ کہ شامی لوگ نہ آکھن
بنی ہاشم دے کنبے دی اناواں قید ہو گئیاں
ہتھاں وچ زہرا جائیاں دے پوا کے رسیاں اکبر
اے ہس کے دیندے رے شامی صداواں قید ہو گئیاں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.